29 noyabr saat 22:00-dan 30 noyabr saat 06:00 qədər Paytaxtın Nəsimi rayonu Asif Məhərrəmov küçəsində hərəkət müvəqqəti bağlanır. Bu haqda bu gün, 29 noyabr tarixində Azəravtoyolun mətbuat xidməti məlumat yayıb.
Səbəb olaraq yollarda üfüqi nişanlanma xətlərinin yenidən rənglənməsi işləri aparılacağı bildirilir.
“Sürücülərdən qeyd olunan vaxt çərçivəsində sözügedən ərazidə hərəkətdə olarkən diqqətli olmaları, yol hərəkəti qaydalarına riayət etmələri xahiş olunur” - deyə qurum əlavə edib.
