Nəsimi rayonunda yerləşən bir marketi tez-tez su basır. Bu haqda 9 avqust tarixində Realtv məlumat verib.
Səməd Vurğun, 116 ünvanında yerləşən bu marketin sahibi Əsəd Əmirov bildirir ki, market 1970-ci illərdə tikilsə də, o, buranı 2006-cı ildə alaraq işlətməyə başlayıb. Elə bu andan da problem üzə çıxıb. Marketin yanından keçən lazımsız su borusunun deşilməsi səbəbindən obyekt tez-tez su altında qalır.
Əsəd Əmirov bildirir ki, bu problem ildə 3-4 dəfə yaşanır. Su borusu partlayır, o zaman suyun qarşısını almaq üçün taxtalardan istifadə edilir. Sonra həmin taxtalar da suyun gücünə tab gətirmədiyindən xoşagəlməz hallar baş verir. Qazılan ərazi marketə gələn müştərilər üçün də təhlükə yaradır.
“Həmin qeyri-yaşayış obyekti ərazidəki yaşayış binalarını içməli su ilə təmin edən su kəmərlərinin üzərində tikilib. Obyekt sahibi “Azərsu” ASC-yə müraciət etməli, texniki şərt alaraq öz vəsaiti hesabına xətlərin köçürülməsini təmin etməlidir”, - qurum faktla bağlı açıqlama verib.
