Bakıda qardaşını qətlə yetirməkdə təqsirləndirilən şəxsə bəraət verilib. Bu haqda 8 dekabr tarixində Report məlumat verib.
Martın 18-də Nəsimi rayonunda 53 yaşlı Etibar Camalov qardaşı Elçin Camalov tərəfindən öldürülmüşdür. Məlum olub ki, qətl şəxsi münasibətlər zəminində aralarında yaranmış münaqişə zamanı baş vermişdir. Elçin qardaşına bıçaqla xəsarətlər yetirərək onu öldürmüşdür. 52 yaşlı Elçin Camalov saxlanılmış və ona qarşı Cinayət Məcəlləsinin “Qəsdən adam öldürmə” maddəsi ilə cinayət işi başlanılmışdır.
8 dekabr tarixində Bakı Ağır Cinayətlər Məhkəməsində keçirilən proses zamanı Elçin Camalova bəraət verilib. O, ittiham olunduğu maddə üzrə təqsirli bilinməyib. Məhkəmə zamanı məlum olub ki o, özünü qorumaq məqsədi ilə qardaşını bıçaqlayıb. Nəticədə ona bəraət verilib və məhkəmə zalından azadlığa buraxılıb.
