Paytaxtın Nəsimi rayonu, Heydər Əliyev parkının yaxınlığında tikinti şirkəti ağacları kəsib. Bu haqda bu gün, 12 may tarixində Bakuplus.az İctimai TV-yə istinadən xəbər verir.
Ərazidə yeni binanın inşası zamanı 10-dan çox ağac zədələnib, bir neçəsi isə kəsilib. Burada köhnə yaşayış binası olub və söküntü aparıldıqdan sonra yenisinin tikintisinə başlanılıb.
Nəsimi rayon İcra Hakimiyyəti məsələnin onlara aidiyyəti olmadığını bildirib. Şirkət isə xəbərin əsassız olduğunu və 3 ağacın küləkdən zədələndiyini qeyd edib.
Ekologiya Nazirliyindən verilən məlumata əsasən, cari ilin yanvar ayında ərazidə qazıntı işləri aparan “Xəzər İnşaat 21-ci əsr” MTK tərəfindən qanunsuz ağac kəsimi müəyyən edilmişdir və faktla bağlı müvafiq addımlar atılmışdır.
[caption id="attachment_44217" align="alignnone" width="800"] Foto İTV-nin rəsmi Youtube kanalı[/caption]
