Paytaxtın Nəsimi rayonunda yerləşən tarixi Dəmir yolu vağzalının fasadı bərpa olunur. Bu haqda bu gün, 7 sentyabr tarixində Bakuplus.az Mədəni İrisin Qorunması, İnkişafı və Bərpası üzrə Dövlət Xidmətinə istinadən xəbər verir.
Azadlıq prospekti, 22 ünvanında, Cəfər Cabbarlı heykəlinin yanında yerləşən tarixi abidənin üzərinə quraşdırılan reklam lövhələri sökülüb, sahibkarlarla maarifləndirici söhbətlər aparılıb.
1 sentyabr tarixindən etibarən Bakı şəhəri ərazisindəki tarixi binaların fasadına, ümumi eksteryerinə, interyerinə – bir sözlə, ilkin görünüşünə edilən icazəsiz müdaxilələrlə bağlı monitorinqlərə başlanılıb.
[caption id="attachment_68716" align="alignnone" width="1024"]
Foto Mədəni İrsin Qorunması, İnkişafı və Bərpası üzrə Dövlət Xidmətinin rəsmi Facebook səhifəsi[/caption]
