Suqovuşanın azad olunmasında iştirak edən müharibə iştirakçısı barədə Bakı Ağır Cinayətlər Məhkəməsində hökm oxunub. Bu haqda BakuPlus.az Modern.az-a istinadən bu gün, 13 iyun tarixində xəbər verir.
Narkotik vasitələrin qanunsuz dövriyyəsində təqsirləndirilərək həbs edilən Elşad Zülfüqarlı məhkəmənin hökmü ilə 6 il azadlıqdan məhrum edilib.
Hüquq-mühafizə orqanları əməkdaşlarının keçirdikləri əməliyyat tədbirləri zamanı 26 yaşlı Elşad Zülfüqarlının üzərindən 4.2 qram, evindən isə 204 qram narkotik tapılmışdır.
Ona qarşı Cinayət Məcəlləsinin 234.4.3-cü (Satış məqsədilə külli miqdarda narkotik əldə etmə, daşıma, saxlama) maddəsi ilə ittiham elan olunub.
Elşad Zülfüqarlı 44 günlük Vətən müharibəsində iştirak edib və “Suqovuşanın azad edilməsinə görə” medalı ilə təltif olunub.
