Naxçıvan Muxtar Respublikasında “Tu-134” təyyarəsinin qəzaya düşməsindən 29 il ötür.
1995-ci il dekabrın 5-də Naxçıvan-Bakı reysi ilə hərəkət edən “Tu-134” sərnişin təyyarəsi Naxçıvan hava limanından havaya qalxdıqdan bir neçə dəqiqə sonra sol mühərrik sıradan çıxıb, bort mühəndisi isə səhvən sağ mühərriki söndürüb.
Pilot təyyarə 197 metr hündürlükdə olarkən qəza enişi barədə qərar qəbul edib. Elə bu anda sürəti saatda 290 km-ə düşən təyyarə yaşayış binalarının olduğu sahə ilə qarşılaşıb. Fəlakətdən qurtulmaq üçün pilotlar sağa, 37 dərəcə bucaq altında kəskin dönüş etməyə məcbur qalıblar və hava limanı yaxınlığındakı açıq sahəyə istiqamətləniblər.
Yüksək gərginlikli elektrik xətlərinə toxunan təyyarə alışıb.
Qəzada 82 nəfərdən dördü heyət üzvü olmaqla, 52 nəfər həlak olub.
