Bakıda tanınmış klubun icarədarı ilə sahibi arasında məhkəmə davam edir. Bu haqda BakuPlus.az Qafqazinfo-ya istinadən bu gün, 28 iyun tarixində xəbər verir.
Tanınmış gecə klublarından olan “Otto”-nun icarədarı Nahid İsgəndərov iddia edir ki, obyekt sahibi onun işlərinin yaxşı getdiyini görərək qazancı özü əldə etmək qərarına gəlib və müqavilə şərtlərini pozub.
Obyekti aylıq 20 min manat icarəyə götürən icarədar oranın təmirinə 270 min manata qədər pul xərclədiyini deyib.
Onun sözlərinə əsasən, obyektin sahibi məşhur “AZVİRT” MMC-nin direktoru Kamil Əliyevin qardaşı Elnur Əliyevdir.
Sonradan məsələyə Elnur Əliyevin qayınanası Lətifə Abdullayeva da qarışıb və icarəçinin illərdir icarə haqqını ödəmədiyini idda edib.
Məhkəmə proseslərinin nəticəsi kimi, hazırda Səbail Rayon Məhkəməsi, yuxarı instansiya məhkəməsindən fərqli olaraq, Nahid İsgəndərova obyektə girməyə icazə vermir.
Hazırda məhkəmə çəkişməsi davam edir.
