Paytaxtın bəzi küçə və prospektlərində piyada keçidlərində istifadə olunan eskalatorların işləməməsi piyadaların narazılığına səbəb olur. Belə piyada keçidlərindən biri də Səməd Vurğun küçəsində yerləşir. Bu ərazidə eskalatorların işləməməsi həmin keçiddən gündəlik istifadə edənlər üçün problemlər yaradır. Bu haqda Space TV reportaj hazırlayıb.
Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli bildirdi ki, bu problem eskalatorlarda yaranan texniki nasazlıqlarla bağlıdır. Bəzən eskalatorların müxtəlif hissələri sıradan çıxır. Azərbaycanda eskalator və ehtiyat hissələri istehsal olunmadığına görə, yalnız xaricdən sifariş verilir, bu isə müəyyən vaxt alır. Bu vaxt ərzində həmin eskalator işləməyə bilər.
