Bakının Nəsimi rayonunda 76 yaşlı kişi itkin düşüb. Bu haqda bu gün, 22 mart tarixində APA məlumat verib.
Belə ki, 1946-cı il təvəllüdlü Nikolay Velijanin dünən, 21 mart tarixində saat 18:00 radələrində evdən çıxıb və geri qayıtmayıb.
Velijaninin ailə üzvlərinin sözlərinə görə, evdən çıxarkən onun əynində qara gödəkcə, göy cins şalvar, gözündə eynək, əlində əsa, başında qara papaq olub.
Hadisə ilə bağlı polisə müraciət göndərilib.
14:30 - Yenilənib
İtkin düşən kişi tapılıb. Bu haqda onun ailə üzvləri məlumat verib. Onun yolu unutduğu üçün evə qayıda bilmədiyi bildirilib.
