Bakıda bayram günü pirotexniki vasitə atan şəxs həbs edilib.
Qaynarinfo.az-ın xəbərinə görə, 2005-ci il tarixdə Bakı şəhərində doğulmuş Murtuz Ələkbərov “Həzi Aslanov” metro stansiyasının yaxınlığında, insanların sıx olduğu yerdə pirotexniki vasitə atdığı üçün saxlanılıb.
Murtuz Ələkbərova insanların sıx olduğu yerdə onu partlatmamaq tövsiyə edilib. Lakin həmin şəxs pirotexniki vasitəni qabından çıxarmağa davam edib, polis əməkdaşı isə ondan bu hərəkətinə son qoymağı yenidən tələb edib.
Murtuz Ələkbərov saxlanılaraq, barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilərək məhkəməyə göndərilib.
Məhkəmənin qərarı ilə Murtuz Ələkbərov barəsində 10 gün müddətində inzibati həbs növündə inzibati tənbeh tətbiq olunub. İnzibati həbsdə saxlanmanın əvvəli 31 dekabr 2024-cü il, saat 22:30-dan hesablanıb.
