Yevlaxda baş verən hadisənin şok təfərrüatı məlum olub.
Gencexeberin.az-ın əldə etdiyi məlumata görə, sevgilisi tərəfindən Bakıya qaçırılan qadın evli olub və iki uşaq anasıdır.
Qadının sevgilisi Azər Quliyev onu Abşeronun Qobu qəsəbəsində kirayə yaşadığı evə gətirib. Bu hadisədən sonra qadının həyat yoldaşı və daha 6 nəfər Bakıya gələrək A.Quliyevi avtomobilin baqaja qoyaraq, Yevlaxa aparıblar. Orada isə Azər Quliyevi evdə döyərək öldürüblər.
***
11:51
Yevlaxda qız qaçıran şəxs avtomobilin baqajında ölü tapılıb.
Report.az-ın xəbərinə görə, evli olan, 1988-ci il təvəllüdlü Azər Quliyev sevgi münasibətində olduğu 1996-cı il təvəllüdlü N.Ş-ı (ad, soyad şərtidir) qaçırıb.
Ötən gün qızın qardaşları bacılarının arxasınca Abşeron rayonu Qobu qəsəbəsinə gəliblər.
Onlar burada Azər Quliyevi döyərək xəsarətlər yetirib, daha sonra əl-ayağını iplə bağlayaraq avtomobilin baqajında Yevlax şəhərinə gətiriblər.
Yevlaxda Azər Quliyevi avtomobilin baqajından düşürən zaman onun öldüyü məlum olub.
Faktla bağlı cinayət işi başlanılıb, hadisəni törədənlər saxlanılıb.
