Ölkədə iyulun 9-10-da qeyd olunacaq Qurban bayramı günlərində qurbanlıq heyvanların satışı və kəsimi xidmətləri təşkil olunacaq. Bu haqda bu gün, 2 iyul tarixində Azərbaycan Qida Təhlükəsizliyi Agentliyinin (AQTA) mətbuat xidməti məlumat verib.
Qeyd olunur ki, heyvanların kəsimi müvafiq norma və qaydalara uyğun, təhlükəsiz və sağlam şəraitə riayət olunmaqla təşkil olunacaq.
AQTA-dan verilən məlumata görə, bu məntəqələrdə baytarlıq nəzarətindən keçmiş və sanitar-gigiyenik tələblərə uyğun kəsilən qurbanlıq heyvanlar təqdim olunacaq. Bununla yanaşı, bir sıra ünvanlarda Qida Təhlükəsizliyi Agentliyi ilə razılaşdırılaraq, baytarlıq nəzarəti altında heyvanların kəsilməsi və satışı üçün səyyar çadırlar quraşdırılacaq.
Vətəndaşlar bayram günlərində saat 08:00-dan 20:00-dək qurbanlıq heyvanları satmaq, almaq və ya kəsdirmək üçün yuxarıda qeyd edilən xidmətlərdən yararlana bilərlər.
Paytaxt üzrə qurbanlıq heyvanların satışı və kəsimi yerləri:
[URIS id=50803]
Qurbanlıq heyvanların satışı ilə məşğul olan ticarət şəbəkələrinin ünvanları barədə məlumatları linkə daxil olmaqla əldə etmək mümkündür.
