Keçmiş vəkil Elman Paşayev barəsində cinayət işi başlanıb.
Bakuplus.az xəbər verir ki, vəkil Moskvada saxlanılıb və hazırda onun barəsində həbs-qətimkan tədbirinin seçilməsi məsələsi həll edilir.
E.Paşayev barəsində Rusiya Cinayət Məcəlləsinin xüsusilə külli miqdarda dələduzluq maddəsi ilə cinayət işi başladılıb.
İstintaq məlumatına görə, o, müəyyən məbləğ qarşılığında rusiyalı bloqer Yelena Blinovskaya və həyat yoldaşı Alekseyi cinayət məsuliyyətindən azad etməyi vəd edib.
Sözügedən məsələ barədə razılaşma cari ilin fevralında keçmiş vəkillə Aleksey Blinovskinin şəxsi görüşü zamanı əldə edilib və Paşayev Blinovskidən bu məsələ ilə bağlı külli miqdarda pul alıb.
Keçmiş vəkili həmin maddə üzrə 1 milyon rubl həcmində cərimə ilə yanaşı, 10 ilə qədər həbs cəzası gözləyə bilər.
