Səbail Rayon İcra Hakimiyyətinin başçısı səyyar qəbul keçirib. Bu haqda 3 avqust tarixində Səbail RİH məlumat verib.
Rayonun icra başçısı Vüqar Zeynalov 20-ci sahə yaşayış massivi, Salyan yolu, dalan 4 ünvanında keçirilən görüşdə sakinlərin müraciətlərini dinləyib. Görüşdə sakinlər fərdi yaşayış evlərinin təmir olunması, sənədsiz evlərin sənədləşdirilməsi, kanalizasiya xətlərinin yenilənməsi, məhəllədaxili yollara yeni asfalt örtüyünün çəkilməsi, uşaqlar üçün oyun meydançalarının quraşdırılması və digər sosial problemlərlə bağlı müraciətlər ediblər.
Qəbulda müraciət etmiş sakinlərin şikayətləri dinlənilib, qaldırılan məsələlərin həlli istiqamətində aidiyyəti üzrə yerindəcə göstərişlər verilib.
Qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müraciətlərlə bağlı müvafiq tapşırıqlar verilib.
