Sabunçu rayonunda daha bir küçənin təmiri yekunlaşıb. Bu haqda 4 avqust tarixində Bakuplus.az Azərbaycan Avtomobil Yolları Dövlət Agentliyinə istinadən xəbər verir.
Sabunçu qəsəbəsində yerləşən, uzunluğu 1100 metr, eni isə 10 metr olan Asif Əsədullayev küçəsinin əsaslı şəkildə təmiri başa çatıb.
Aparılan təmir işləri çərçivəsində:
- Küçənin köhnə asfalt-beton örtüyü frezlənib, küçəboyu 2000 p/m piyada səkiləri yenilənib;
- Ümumilikdə küçəyə 2 qat olmaqla 11 min kvadratmetrdən çox sahədə yeni asfalt-beton örtüyü döşənib;
- Üfüqi nişanlanma xətləri və piyada zolaqları çəkilib;
- Zəruri yerlərdə yol nişanları quraşdırılıb;
- Yeraltı kommunikasiya xətlərinin baxış qapaqlarının layihə hündürlüyünə qaldırılması, yeni yağış barmaqlıqlarının quraşdırılması işləri icra olunub.
Cari ilin “İnvestisiya proqramı”na əsasən, Sabunçu rayonu ərazisində Sabunçu qəsəbəsi də daxil olmaqla 5 qəsəbə üzrə ümumi uzunluğu 12.7 km olan küçə və yolların təmiri nəzərdə tutulub.
[caption id="attachment_55134" align="alignnone" width="300"]
Foto AAYDA-nın rəsmi Telegram kanalı[/caption]
