Sabunçu rayonunda narkotik vasitələrin satışı ilə məşğul olan 61 nəfər saxlanılıb. Bu haqda 3 noyabr tarixində Daxili İşlər Nazirliyi xəbər verib.
Polisin keçirdikləri əməliyyat-axtarış tədbirləri nəticəsində rayonun Zabrat, Bakıxanov, Balaxanı və digər qəsəbələrində 61 narkotacir saxlanılıb. 27 nəfəri haqqında cinayət işi başlanılıb, 26 nəfər barəsində qətimkan tədbirləri seçilib, 8 nəfəri barədə isə protokollar tərtib edilib və onlar cərimə olunublar.
Saxlanılan şəxslərdən ümümilikdə 2 kiloqrama yaxın narkotik vasitə və psixotrop maddələr aşkar edilib.
