"Buraya zibil atmağa gələn hər kəs məni çox yaxşı qarşılayır. Pul verən də olur, yemək verən də. Uşaqlar üçün xonça hazırlamışam, buradan keçən uşaqlara içindəki konfetlərdən verirəm. Şaxta baba paltarını yaxınlıqdakı mağazadan 50 manata almışam, əsamı isə özüm düzəltmişəm".
Bu sözləri Həsən bəy Zərdabi küçəsində yaşayan "Şaxta baba" deyib.
O, illərdir bu küçədə yaşadığını, uşaqları sevindirmək üçün isə həmin kostyumu geyindiyini bildirib.
"Şaxta baba" ailəsi ilə bağlı suallardan isə qaçmağa çalışıb.
"Yaxşı imkanım var idi. Ailəm var idi, artıq mənim üçün yox kimidirlər. Mən hamı ilə mehriban olmağa çalışmışam həmişə, onlar niyə belə etdilər, bilmədim. Tam açıq hər şeyi danışa bilmərəm, bunlar ailə məsələləridir".
Ətraflı Baku TV-nin süjetində:
