Abşeron rayonu Masazır kəndinin qaz təchizatı dayandırılıb.
Bu barədə Bakuplus.az-a müraciət edən kənd sakinləri bildiriblər. Onların sözlərinə görə, artıq bir neçə saatdır ki əhalinin mavi yanacaq təchizatı kəsilib. Masazırlılar belə halların artıq mütəmadi xarakter aldığını iddia edirlər.
"Fəsildən, həftənin günündən və saatdan asılı olmayaraq hər an qazlarımız kəsilə bilər. "Azəriqaz" bununla bağlı heç bir narahatlıq yaşamır, çünki heç bir məsuliyyət və cavabdehliyi yoxdur. Bu gün də eyni halı yaşayırıq. Bayırda soyuq, güclü külək əsir, bir isə nə evlərimizi qızdıra bilirik, nə də yemək bişirə bilirik. Sanki "Azəriqaz"ın girovlarına çevrilmişik, başımıza nə oyun desən açırlar", - redaksiyamıza daxil olan şikayətdə deyilir.
Şikayətlə əlaqədar "Azəriqaz" İB-yə sorğu ünvanlanıb.