İstanbuldan Bakıya narkotik gətirmək istəyən qadınlara hökm oxunub. Bu haqda 18 iyun tarixində Report məlumat verib.
Ötən ilin fevral ayında İstanbul-Bakı aviareysi ilə gələn Azərbaycan vətəndaşı Elviyyə Dəmirovaya məxsus çamadan və bağlama gömrük nəzarəti zamanı saxlanılıb. Yoxlama zamanı çamadanın və bağlamanın içərisində 977 ədəd MDMA, uşaq yeməyi qutusunun içərisində 98,800 qram kokain, krem qutularının və çay paketinin içinə yerləşdirilmiş sellofan paketdə isə təsiredici maddənin ümumi miqdarı 76,206 qram olan Bonzai aşkar edilib.
Araşdırmalar nəticəsində qrupun digər üzvləri - Pərvanə Məmmədəliyeva və Məhəmməd Abdullayev narkotik maddələri təhvil alan zaman saxlanılıblar.
Hər üç şəxsə cinayət işi açılıb və məhkəmənin hökmü ilə P.Məmmədəliyeva 11 il 6 ay, E.Dəmirova ilə M.Abdullayeva isə 12 il müddətinə azadlıqdan məhrum ediliblər.
