Bakıda marşrut avtobusunda aktiv koronavirus xəstəsi saxlanılıb. Bu haqda Report Daxili İşlər Nazirliyinin (DİN) Mətbuat Xidmətinə istinadən məlumat yayıb.
49 yaşlı Həmid Bayramov Suraxanı rayonu ərazisində 132 saylı sərnişin avrobusunda müəyyən olunaraq aidiyyəti üzrə təhvil verilib. Xəstə yaşadığı unvanına polis əməkdaşları tərəfindən çatdırılıb. Bayramov barəsində prosessual tədbirlər başlanılıb.
Oxşar hadisə 25 oktyabr tarixində Binəqədi rayonunda qeydə alınıb. Polisin apardığı reyd zamanı “Avtovağzal” stansiyasında 39 yaşlı Eldam Hüseynov saxlanılıb.
