Sosial şəbəkələrdə “Trendyol” onlayn ticarət platforması tərəfindən ölkəyə malların çatdırılması xərclərinin kəskin artması müzakirə olunur. İstifadəçilərin sözlərinə görə, bir neçə malın çatdırılması üçün onlar 40 manata qədər pul ödəməli olurlar ki, bu da çox vaxt sifarişin dəyərini üstələyir. Bu haqda bu gün, 9 iyul tarixində Bakuplus.az Oxu.az-a istinadən məlumat verir.
Ekspert-iqtisadçı Asif İbrahimovun fikrincə, iqtisadiyyatda hər hansı məhsulun son qiymətinin formalaşması, əsasən, onun istehsalı və satışına çəkilən xərclərdən asılıdır.
Mütəxəssis vurğulayıb ki, hər hansı istiqamət üzrə xərclər artarsa, bu, qaçılmaz olaraq yekun tarifə təsir edəcək: “İndi çatdırılma prosesi əvvəlkindən iki-üç dəfə bahalaşıb, ona görə də yeni tariflər tətbiq olunur”.
Məsələ ilə bağlı “Trendyol”dan bildirdilər ki, tariflərin dəyişdirilməsi ilə bağlı yeni qərar yoxdur.
Bir neçə ay əvvəl şirkət bəzi məhsulların çatdırılma qiymətini 2,5 dəfə – 79,99 türk lirəsindən (4,23 manat) 199,99 türk lirəsinə (10,63 manat) qaldırmışdı.
