"İstənilən ailə cəmiyyətin bir üzvüdür. Cəmiyyətdə nə baş verirsə, o, ailədə özünü realizə edir. Bu gün cəmiyyətdə nə baş verir? Aqresiya, inamsızlıq, etibarsızlıq, dəyərlər sisteminin pozulması... Bu da özünü ailəyə transfer edir”.
Bunu Qaynarinfo.az-a açıqlamasında "Təmiz Dünya" İctimai Birliyinin sədri Mehriban Zeynalova deyib.
Mehriban Zeynalova hesab edir ki, psixoloji gərginliklər hədsiz çoxdur: "Bu gərginliyin fonunda insanlar özünü, münasibətlərini tənzimləyə, tərəflər bir-biri ilə dil tapa bilmir. Tərəflər asan yaşamaq istəyir. Bu asanlığı da kənarda axtarmağa çalışırlar. Problemi birgə həll etmək istəmirlər. Əvvəllər ağsaqqallar institutu, eyni zamanda bir nüfuz vardı. Nüfuzun təsiri böyük idi. Kimlərsə ehtiyat edirdi ki, hansısa yanlış davranış edər. İndi bunlar yoxdur, heç valideynlərin də nüfuzu yoxdur. Əksər vaxt deyirlər ki, uşaqların hüquqları var. Valideyn nüfuzu, valideynə hörmət və digər məsələlər isə hallanmır. İnsanlar öz nüfuzunu yumruq yolu ilə deyil, davranışları ilə qorumalıdır. Bunu edə bilmirlər. Sanki özlərini itiriblər. Ailənin qayğıları, ünsiyyət çətinliyi onları yorur".
İctimai birlik sədrinin fikrincə, bu gün fərqli ailə modelləri ilə rastlaşır:
"Bəzən qadınlar kişilərə hörmət etmir, eləcə də kişilər qadınlara. Ailədə qadının rolu sıfıra endirilir. Ailə münasibətlərini güc mənbəyinə çeviriblər. Ailə münasibətləri birgə gücdür. Bu güc olmayanda belə hallar baş verir".
