65 nömrəli marşrut xətti üzrə hərəkət edən avtobusun yarım saat gecikməsinə etiraz edən sərnişinlərə sürücü kobud cavab verib, onları acılayıb.
Bu barədə Bakuplus.az- a hadisənin şahidi olan şərnişinlər məlumat veriblər.
Onların sözlərinə görə, "İçərişəhər" metrostansiyasının yanındakı dayanacaqda 65 nömrəli marşrut avtobusnu yarım saat gözləməli olublar. Sürücüyə "niyə bu qədər gec gəlirsiniz?" sualını verəndə "yaxşı edirəm, əlimin içindən gəlir", "Xoşun gəlmir, minmə", "Öz avtobusumdur, özüm bilərəm" cavabını eşidiblər.
Sərnişinlərin dediyinə görə, 99 JY 989 dövlət nömrə nişanlı marşrut "Xaliq Faiqoğlu" şirkətinə məxsus imiş.
Məsələ ilə bağlı sözügedən sərnişindaşıma şirkətindən bildirilib ki, marşrutun gecikməsi yollardakı tıxacla bağlıdır və burada sürücünün günahı yoxdur: "O ki qaldı sürücünün sərnişinlərə kobud davranmasına, bu məsələ tərəfimizdən araşdırılacaq".
