Bakıda bir neçə şəxsə qarşı dələduzluqda təqsirləndirilən Etibar Əliyevin cinayət işi üzrə ibtidai istintaq başa çataraq Bakı Ağır Cinayətlər Məhkəməsinə göndərilib. Bu haqda 31 may tarixində Report məlumat verib.
Cinayət işinə hakim İlham Mahmudov tərəfindən baxılacaq.
Etibar Əliyev (Etibar Toğrul təxəllüsü ilə tanınan) “Xəbər var” qəzetinin baş redaktoru, Vetenperverler.az saytının redaktorudur. O, həmçinin XeberBiz.com və TehsilXeber.com xəbər portallarının rəhbəridir.
Əliyevə qarşı Cinayət Məcəlləsinin “Dələduzluq külli miqdarda ziyan vurmaqla törədildikdə” maddəsi ilə cinayət işi başlanıb.
