Bakı şəhəri Azadlıq prospekti yaxınlığında ağacların diblərini betonlayıblar. Bu haqda Oxu.az sosial şəbəkələrə istinadən məlumat yayıb.
Həmçinin, ağacların diblərinə məişət tullantıları yığılıb.
Məsələ ilə bağlı Yaşıllaşdırma Təsərrüfatı Birliyi (YTB) əraziyə baxış keçirib.
“Ağacların dibi betondan təmizlənib. Onlara aqrotexniki qaydada qulluq göstərilib”.- deyə qurum bildirib.
Bundan əvvəl, 3 noyabr tarixində Yasamal rayonunda ağac dibləri plitələrlə örtülmüşdür.
