Yasamal Rayon İcra Hakimiyyətinin başçısı Elşad Həsənov və Milli Məclisin deputatı Erkin Qədirli sakinləri qəbul ediblər. Bu haqda BakuPlus.az bu gün, 5 avqust tarixində xəbər verir.
Yasamal rayonunda yerləşən 21 saylı tam orta məktəbin akt zalında baş tutan qəbulda Yasamal rayon Mənzil Kommunal Təsərrüfatı Birliyinin,Yasamal Bələdiyyəsinin, habelə təsərrüfat və xidmət sahələrinin vəzifəli şəxsləri də iştirak ediblər.
Sakinlər pilot binaların istismara verilməsinin yubanması, həyətlərdə şlaqbaumların quraşdırılması, elektrik enerji sayğaclarının işi, yaşıllıqlara qulluq, yaşayış binası ətrafının çəpərlənməsi ilə mübarizə, liftlərin təmiri, su təchizatı, sənədsiz evlər, sosial yardım, məşğulluq, tibbi əməliyyata yardım və bir sıra sosial məsələlər qaldırıblar.
İcra Hakimiyyətinin başçısı Elşad Həsənov pilot layihələrlə bağlı yaxın zamanlarda görüşün keçiriləcəyini bildirib.
Sakinlərin sosial yardımı ilə bağlı isə rayonun təsərrüfat və xidmət sahələrinin vəzifəli şəxsərinə tapşırıqlar verib.
[caption id="attachment_55941" align="alignnone" width="300"]
Foto Yasamal rayon İcra Hakimiyyətinin rəsmi saytı[/caption]
