Yeni Azərbaycan Partiyası Yasamal rayon təşkilatının əməkdaşları Vətən müharibəsi şəhidi, kəşfiyyatçı Elçin Mirzəyevin ailəsini ziyarət ediblər. Bu haqda 27 iyul tarixində Bakuplus.az YAP-a istinadən xəbər verir.
Təşkilat nümayəndələri şəhid ailəsinin qayğı və problemləri ilə maraqlanıblar. Şəhidin həyat yoldaşı göstərilən diqqətə və qayğıya görə Prezident İlham Əliyevə və Birinci Vitse-prezident Mehriban xanım Əliyevaya minnətdarlıqlarını ifadə ediblər.
Elçin Mirzəyev 2014-cü ildə kəşfiyyatçı olaraq, müddətdən artıq həqiqi hərbi xidmət qulluqçusu kimi işləməyə başlayıb.
Mirzəyev Vətən Muharibəsinə ilk gündən qatılıb və oktyabrın 10-da Tərtər-Ağdərə-Suqovuşan istiqamətində gedən döyüşlərdə qəhrəmancasına şəhid olub. Onun nəşi 3 gün sonra torpağa tapşırılıb.
Ölümündən sonra Elçin Mirzəyev “Vətən uğrunda”, “Suqovuşanın azad olunmasına görə” və “Laçının azad olunmasına görə” medalları ilə təltif olunub.
[caption id="attachment_54237" align="alignnone" width="800"] Foto YAP Yasamal Rayon Təşkilatının rəsmi Facebook səhifəsi[/caption]
