Yasamal rayonunda istinad divarındakı iri çatlar ərazidə yaşayanları qorxuya salıb. Bu haqda BakuPlus.az ATV xəbərə istinadən bu gün, 3 avqust tarixində xəbər verir.
İzmir küçəsindəki istinad divarında iri çatların əmələ gəlməsi orada yaşayan sakinləri narahat edir.
Onların sözlərinə əsasən, uşaqları həyətdə oynayarkən qulaqları səsdə qalır. İnsanlar burada hətta maşınlarını da saxlamağa ehtiyat edirlər.
Yaranmış vəziyyətlə bağlı Yasamal Rayon Mənzil Kommunal Təsərrüfat Birliyinin rəisi Ədalət Bağırov açıqlama verib və məsələdən agah olduqlarını bildirib:
“Mütəxəssislərin söylədiyi fikrə görə, irigövdəli ağacların gövdələri istinad divarlarının bəzi yerlərində çatların yaranmasına, müəyyən hissələrinin isə dağılmasına səbəb olub. Mütəxəssislər tərəfindən ortaq qərar verildikdən sonra həmin ağaclar ya köçürüləcək, ya da yüngül budanma işləri aparılacaq”.
Ədalət Bağırov söz verib ki, heç bir təhlükə baş verməmiş, tez bir zamanda sadalanan işlərin görülməsinə başlanacaq.
[caption id="attachment_55007" align="alignnone" width="300"]
Foto Atv-nin rəsmi Youtube kanalı[/caption]
