“Azərbaycan Hava Yolları” (AZAL) 2022-ci ilin yay mövsümü çərçivəsində Bakı-Antalya-Bakı marşrutu üzrə uçuşların sayını artırır. Bu barədə məlumatı 20 iyun tarixində şirkətin mətbuat xidməti yayıb.
İyulun 2-dən etibarən aviadaşıyıcı bu marşrut üzrə həftədə 5 dəfə - bazar ertəsi, çərşənbə axşamı, çərşənbə, cümə və şənbə günləri yerinə yetiriləcək əlavə reyslər həyata keçirəcək. Əlavə reyslər nəzərə alınmaqla, bu istiqamətdə uçuşların tezliyi həftədə 19-a çatdırılacaq.
Bakıdan Antalyaya uçuşlar saat 14:30-da (bazar ertəsi və cümə) və 15:20-də (çərşənbə axşamı, çərşənbə və şənbə) baş tutacaq. Antalyadan Bakıya uçuşlar saat 17:25-də (bazar ertəsi), 18:20-də (çərşənbə axşamı və çərşənbə günləri), 17:30-da (cümə günləri) və 18:30-da (şənbə günləri) olacaq.
