Bakı-Şuşa-Bakı istiqamətində əlavə avtobus reysi açılacaq. Bu haqda 25 iyun tarixində Bakuplus.az Rəqəmsal İnkişaf və Nəqliyyat Nazirliyinə istinadən məlumat verir.
Marşrutların təhlili, vətəndaşların istək və tələbatları nəzərə alınaraq, Bakı-Şuşa-Bakı istiqamətində əlavə reyslər açılıb. Qərara əsasən, iyul ayından sərnişinlər Şuşaya artıq həftənin bütün günləri səfər edə biləcəklər. Bundan əvvəl müntəzəm avtobus reysləri yalnız həftədə 3 dəfə təşkil olunurdu.
Sərnişinlər müəyyən olunmuş marşrut xətti üzrə biletləri “Yolumuz Qarabağa” portalı (www.yolumuz qarabaga.az) vasitəsilə onlayn qaydada ala bilərlər.
