Bakının Xətai rayonu, Cavanşir küçəsi, 4A ünvanında yerləşən radiozavodun yataqxanası qəzalı vəziyyətdədir. Bu haqda bu gün, 5 yanvar tarixində Bakuplus.az ATV News-a istinadən xəbər verir.
Sözügedən binada 33 ailə yaşayır. Binada eyvanlar uçub, döşəmələr çöküb. Sakinlərin sözlərinə görə, binada ara-sıra bərpa işləri aparılsa da, bunun heç bir faydası olmayıb.
Məsələ ilə bağlı Xətai RİH-dən bildirildi ki, mövcüd vəziyyətdən xəbərdardırlar. Yataqxana ilə bağlı aidiyyəti qurumlara rəsmi qaydada müraciət edilib və yataqxana qəzalı binalar siyahısına daxil edilib. Əlavə edildi ki, hətta yaxın zamanlarda binada yaşayan ailələrin siyahısı yenidən tərtib olunub. Aidiyyəti qurumların verəcəyi qərarı əsasında RİH tərəfindən müvafiq tədbir görüləcək.
