Paytaxtın Yasamal rayonu, Mirzə Ağa Əliyev, 5 ünvanında yaşayan Aydın Məmmədov fərdi yaşayış evini qazlaşdıra bilmədiyini deyir. İllər əvvəl onun evi mavi yanacaqla təmin olunub. Bir müddət o, ölkə xaricində olduğundan evinə çəkilən qaz borusu ləğv edilib. Dəfələrlə Azəriqaz İB-yə müraciət etsə də, müsbət nəticə əldə edə bilməyib. Bu haqda bu gün, 8 noyabr tarixində Bakuplus.az Real TV-yə istinadən məlumat verir.
Vətəndaşın şikayəti ilə bağlı Azəriqaz İB-dən deyildi ki, qazlaşma proqramı Azərbaycan Respublikası Regionlarının 2019-2023-cü illərdə Sosial İqtisadi İnkişafı Dövlət Proqramı çərçivəsində maliyyə imkanlarına uyğun olaraq, mərhələli şəkildə həyata keçirilib.
Sözügedən vətəndaş evinin dövlət tərəfindən mərhələli şəkildə qazlaşdırılmasını gözləmək istəmirsə, o, fərdi qazlaşmanı öz hesabına aparmalıdır. Belə ki, fərdi yaşayış evinin qazlaşdırılması üçün vətəndaş “ASAN Kommunal”a müraciət etməli və lisenziyası olan podratçı şirkətlərdən biri ilə müqavilə imzalamalıdır. Podratçı şirkət layihələndirmə aparandan sonra Azəriqaz İB-yə müraciət olunur. Qazlaşdırmanın parametrlərə uyğun olub-olmaması, standartlara cavab verib-verməməsi, texniki şərtlər göstərildiyi kimi çəkilməsi yoxlanıldıqdan sonra qurum tərəfindən yeni abonentə pulsuz sayğac verilir və onun evi mavi yanacaqla təmin olunur.
[caption id="attachment_78210" align="alignnone" width="640"]
Foto Real Tv-nin rəsmi Youtube kanalı[/caption]
