Bakının Yasamal rayonu, Kazım Kazımzadə küçəsində yerləşən marketlərin birində sərgi-yarmarka keçiriləcək. Bu haqda bu gün, 16 avqust tarixində Bakuplus.az xəbər verir.
“Araz” marketlər şabəkəsinin filialında “Atma-Yarat-Sat” sosial layihəsi çərçivəsində sərgi keçiriləcək. Burada əlilliyi olan və Vətən müharibəsində sağlamlığını itirən yaradıcı insanların müxtəlif əl işləri nümayiş olunacaq və satışı təşkil ediləcək.
Tədbir “Araz” supermarketinin Yasamal rayonu, Kazım Kazımzadə küçəsi, 68/84 ünvanında yerləşən filialında 17-18 avqust tarixlərində saat 11:00-19:00 arası keçiriləcək. Giriş sərbəstdir.
