Bakıda evin təmizliyinə görə arvadını döyən 53 yaşlı Şamil Səfərov (ad şərtidir) həbs olunub.
Lent.az xəbər verir ki, hadisə Yasamal rayonunda baş verib.
Təqsirləndirilən şəxs ifadəsində bildirib ki, arvadı ilə 2001-ci ildə ailə qurublar və bu nikahdan 3 övladları var.
Onun sözlərinə görə, həyat yoldaşı evin təmizliyinə fikir vermir və onu da baxımsız saxlayır. O, həmçinin əməlinə görə peşman olduğunu qeyd edib.
Zərərçəkən qadının sözlərinə görə isə yaşadıqları ərazidə yerləşən restoranların birində gecə və gündüz növbəli qaydada işləyir. Həmin gün isə yorğun olduğu üçün gəlib uzanıb. Bu zaman əri qadının yanına gələrək mübahisə edib və ona "işverən" deyib. Daha sonra kişi həyat yoldaşını yumruq və təpiklə döyüb.
Zərərçəkən şəxs həyat yoldaşını bağışlamadığını bildirib və onun azadlıqdan məhrum edilməsini istəyib.
Yasamal rayon Məhkəməsində hakim Rauf Daşdəmirovun sədrliyi ilə keçirilən iclasda Şamil Səfərov barəsində 3 ay 15 gün müddətinə azadlıqdan məhrumetmə cəzası təyin edilib.
