Aparıcı Zaur Kamal oğlu ilə birlikdə apardığı verilişdə müğənni Əminə Şirinlə gərgin anlar yaşayıblar.
Bakuplus.az xəbər verir ki, buna səbəb isə müğənninin verilişə gecikməsi olub.
Zaur Kamal müğənniyə "Xoş gəlmisiniz, sizi başa düşürəm, xanımsınız. Bəs o birilər niyə gecikir? Xalq artistləri Aygün Kazımova, Faiq Ağayev, Röya Ayxan gecikmirlər" sözlərini ünvanlayıb.
Bu sözlərdən sonra isə Əminə Şirin əsəbiləşib:
"Bizim klipimiz, efirimiz, salonumuz var. Heç kim bilərəkdən bunu etmir. Narazısınızsa, gedə bilərəm. Xanım olaraq məndən üzr gözləyirsiniz. Çox aqressivsiniz. Tamaşaçılardan üzr istəyirəm. Qonağı belə qarşılamazlar. Məni cücə-mücə ilə səhv salırsınız. Bunu "Yeni ulduz"dan dünən "çik" edənlərə deyə bilərsiniz".
Daha sonra müğənni efiri tərk edib.
