“Bitva ekstrasensov”un ən güclü iştirakçılarından biri, azərbaycanlı ekstrasens Qalina Bağırova uzun illər Rusiyanın paytaxtında yaşayır. O, məşhur televiziya şousu bitdikdən sonra Moskvada qalıb.
Qalina Bağırova “Moskva-Bakı”ya müsahibəsində yaxın gələcəkdə dünyanın nə qədər dəyişəcəyi ilə bağlı proqnozlarını bölüşüb:
“30-50 ildən sonra biz dünyanı tanımayacağıq. Fərqli olacaq, tamamilə fərqli. Bu gün belə bir şeyi ancaq elmi fantastika filmlərində görə bilərsiniz. Uçan maşınlar peyda olacaq, tamam başqa evlər tikiləcək. Mən kosmosun bölünməsi üçün müharibə görürəm və kim ora vaxtında çatsa, öz texnologiyasını orada quraşdıracaq”.
O qeyd edib ki, bizi robotlar dövrü gözləyir:
“Onlar təmizlik və yemək işlərində, müharibədə, tibdə istifadə olunacaq. Qadınlar uşaq dünyaya gətirməyi dayandıracaq, kapsullarda doğulacaqlar. İnsan dərisini və orqanlarını istehsal edən texnologiya görürəm. Dünyanın nə qədər dəyişəcəyini bilmirsiniz. 2025-ci il bu seriyanın başlanğıc ili olacaq. Avropa dövlətləri ilə bağlı bir detalı da demək istəyirəm – gələcəkdə onlar müsəlman ölkələrinə çevriləcəklər”.
Sonda o bildirib ki, yazda Bakıya gəlməyi planlaşdırır:
“Gələcəkdə Azərbaycana köçməyi düşünə bilərəm. İstilik, təbiət üçün darıxıram, ümumiyyətlə, evə qayıtmaq istəyirəm”.
