Bakının Binəqədi rayonu, Baksol yolunda tıxac problemi bitmir. Bu haqda bu gün, 25 noyabr tarixində Bakuplus.az ARB Xəbər-ə istinadən xəbər verir.
Baksol yolunun Binəqədi şosesi ilə kəsişməsində mövcud yol infrastrukturu buradakı intensiv hərəkətə uyğun qurulmayıb. Quraşdırılan nişan və işıqforlar səbəbindən dördyolda hərəkət iflic olur. Nəqliyyat vasitələri isə kəsişmədən vaxtında çıxa bilmirlər deyə ərazidə mütəmadi olaraq güclü tıxaclar yaranır.
Günün pik saatlarında yol polisləri ərazidə hərəkəti tənzimləsələr də, problem tam olaraq həll olunmur.
Yol Polisi Xidməti (YPX) əməkdaşının sözlərinə görə, tıxacların səbəbi yolayrıcına nizamsız daxil olan sürücülərdir. Onlar bir-birini gözləmədiklərinə görə kəsişmədə xaos hökm sürür.
Mütəxəssislərin fikirinə görə, yolda sarı kəsişmə toru olmalı, ya da körpü salınmalıdır. Vətəndaşlar da bu fikirlə razı olduqlarını bildirirlər.
