Paytaxtın Səbail rayonu, Bayıl qəsəbəsi, Çernyaxovski küçəsində yerləşən 130 illik bina qəzalı vəziyyətdədir. Bu haqda bu gün, 12 avqust tarixində Bakuplus.az Real TV-yə istinadən xəbər verir.
İkimərtəbəli yaşayış evində 50-dən artıq ailə təhlükəli şəraitdə yaşayır. Pilləkənlər baxımsız vəziyyətdə, tikili isə çat-çatdır. Yağış yağan zaman evləri su basır, dar küçələrə isə avtomobil girə bilmir.
Bundan əlavə, ərazi sürüşmə zonasında olduğundan və tikili dağın yamacında yerləşdiyindən hər gün daha da çökür və dağın zirvəsində olan daşlar hər an infrastrukturun üzərinə düşə bilər. Bina, demək olar, dayaqların köməyi ilə ayaqda durur.
Səbail rayon İcra Hakimiyyətindən məsələ ilə bağlı bildirdilər ki, artıq Bakı şəhər İcra Hakimiyyətinə qəzalı binalarla bağlı müraciət edilib. Sözügedən yaşayış binası da qəzalı binaların siyahısındadır.
[URIS id=58200]
