Bakının Nəsimi rayonu, Azər Əliyev küçəsi, bina 9a blok 1-in lifti aylardır işləmir.
Məsələ ilə bağlı Bakuplus.az-a sakinlər müraciət edib.
Onların sözlərinə görə, lift keçən ilin oktyabr ayından işlək vəziyyətdə deyil.
“Bizdən dəfələrlə pul alırlar ki, lifti düzəldəcəyik. 2-3 gün işləyir və sonra yenə xarab olur. Dekabr ayından isə ümumiyyətlə işləmir və müvafiq qurumlar hər dəfə bizə deyirlər ki, bu gün düzələcək. Ancaq düzələn heç bir şey yoxdur”, - deyə şikayətçi bildirib.
