Bu gün dünya şöhrətli musiqiçi Mstislav Rastropoviçin doğum günüdür.
Mstislav Rastropoviç 1927-ci ildə Bakıda anadan olub. Atası Leopold Rastropoviç qismən belarus-polyak zadəganlar nəslinə məxsus Orenburqdan Bakıya mühacirət etmiş rus əsilli musiqiçi idi. Rastropoviç uşaqlıq və gənclik illərini Bakıda keçirib.
İkinci dünya müharibəsi illərində ailəsi yenidən Orenburqa, daha sonra 1943-cü ildə Moskvaya köçüb. Rostropoviç artıq dörd yaşında ikən anasından piano dərsləri alıb. On yaşında isə atası, tanınmış violonçel ifaçısı və vaxtilə Pavlo Kasalasın tələbəsi olmuş Leopold Rostropoviçdən ilk dəfə violonçelin incəliklərini öyrənib.
1943-1948-ci illərdə Rastropoviç Moskva konservatoriyasında təhsil alıb və 1956-cı ildə bu konservatoriyanın violonçel ifaçılığı şöbəsində professor təyin edilir. Rastropoviç Moskva konservatoriyasına cəmi 16 yaşında qəbul olur və burada piano, violonçel ifaçılığı ilə yanaşı dirijorluq və bəstəkarlıq ixtisaslarına da yiyələnir.
Rastropoviç 1945-ci ildə Sovetlər Birliyində ilk dəfə keçirilən gənc musiqiçilər arasında qızıl medala layiq görülməklə istedadlı violonçel kimi diqqətləri özünə çəkir.
Həm dirijor, həm də violonçel ifaçısı olan Rastrapoviç Stalin (1966) və Lenin (1951 və 1964) mükafatları laureatı, 1992-ci ildə isə Dövlət mükafatı laureatı olub. Ümumilikdə 50-yə yaxın mükafata layiq görülüb. O, tək musiqiçi kimi yox, mənəvi azadlıq, insan hüquqlarını qoruyan şəxs kimi də məşhur idi.
Dahi musiqiçi 2007-ci ildə aprelin 27-si, ömrünün 80-ci baharında dünyasını dəyişib.
