İşıqları yanır, qapısı isə bağlıdır... Əməkdaşlar işdədirlər, lakin abonentlərə xidmət göstərilmir...
Görüntülər Səbail rayonu, Salyan şosesindəki 23 saylı poçt şöbəsindəndir. Bağlamaları yolda, məktubları əllərində qalan vətəndaşlar iddia edirlər ki, düz bir aydır poçtda heç bir təmir işi aparılmır.
Poçtun qapısına vurulan elanlarda vətəndaşlara kiçik paketlər və bağlamalar üçün həmin ərazidən 9 dayanacaq uzaqlıqda yerləşən Badamdar filialına yaxınlaşmaları tövsiyə edilir.
Sakinlərin sözlərinə görə, bununla bağlı müvafiq qurumlara müraciət ediblər və vətəndaşlara binanın qəzalı vəziyyət olduğu deyilib.
23 saylı poçt şöbəsinin əməkdaşları da bildiriblər ki, hər gün işə gəlirlər, lakin abonentlərə xidmət göstərməyə icazə verilmir.
"Azərpoçt" MMC-dən isə məlumat verilib ki, 23 saylı poçt şöbəsinin binası istismara uyğun deyil.
Qeyd edilib ki, vətəndaşlara xidmət göstərilməsi yaxınlıqdakı AZ1004 indeksli digər poçt şöbəsinə həvalə edilib.
Ətraflı Xəzər TV-nin süjetində:
