Paytaxtın Qaradağ rayonu, Ələt qəsəbəsi, Hüseyn Nurəliyev küçəsində yollar pis vəziyyətdədir. Bu haqda bu gün, 13 avqust tarixində Bakuplus.az Real TV-yə istinadən xəbər verir.
Torpaq və koldan ibarət olan yolda nəinki yağış yağanda, heç quru vaxtlarda belə hərəkət etmək olmur. Ərazidəki ilanlar isə sakinlər üçün hər gün təhlükə yaradır.
“20 ildir buraya baxan yoxdur. Yol, işıqlandırma, kanalizasiya yoxdur. Əraziyə zibil qabı qoymurlar. Hər dəfə 20 manat verərək zibilləri basdırırıq, 10 gündən sonra yenə dolur,” - deyə sakin Mir Hüseyn Nurəliyev şikayət edir.
Qəsəbə ərazisindən keçən dəmir yolu isə küçə ilə məktəbin arasında yerləşir. Məktəblilər hər gün həyatlarını təhlükəyə atırlar.
Ələt qəsəbə Bələdiyyəsindən məsələdən xəbərdar olduqlarını və küçəyə asfaltın vurulmasının 2023-cü ilin planında olduğunu bildiriblər.
[caption id="attachment_58632" align="alignnone" width="800"]
Foto Real Tv-nin rəsmi Youtube kanalı[/caption]
