Maştağada avtobus obyektlərə çırpılıb.
Bakuplus.az xəbər verir ki, bununla bağlı görüntülər sosial şəbəkələrdə yayılıb.
Belə ki, hadisə ötən gün axşam saatlarında baş verib. Maştağa qəsəbəsində hərəkətdə olan “BakuBus” avtobusu yol kənarındakı obyektlərə çırpılıb.
Hadisənin sürücünün halının pisləşməsi səbəbindən baş verdiyi bildirilir.
Tibbi Ərazi Bölmələrini İdarəetmə Birliyindən (TƏBİB) Bakuplus.az-ın sorğusuna cavab olaraq bildirilib ki, 30.01.2025-ci il tarixində saat 23:30 radələrində 1969-cu il təvəllüdlü şəxs (kişi cinsli) Sabunçu Tibb Mərkəzinə qəbul olunub.
Qapalı kəllə-beyin travması, baş-beyinin silkələnməsi diaqnozu ilə ona zəruri tibbi yardımlar göstərilib. Hazırda müalicəsi Cərrahi profilli reanimasiya şöbəsində davam etdirilir, vəziyyəti ağırdır.
Nəzrin Vahid
