"Bu yaxınlarda övladlarımın təhsil aldığı şəhid Ədalət Abbasovun adını daşıyan 257 nömrəli tam orta məktəbin yeni direktoru ilə söhbət etdim. Dedi ki, heç bir məktəbdə kişi müəllim yoxdur".
Axşam.az xəbər verir ki, bu sözləri müğənni Elvin Abdullayev "Xəzər axşamı" verilişində deyib. O, məktəblərdə kişi müəllimlərin olmamasından gileylənib:
"Bizim vaxtımızda müxtəlif fənlər üzrə kişi müəllimlər var idi. İndi isə yoxdur. Bu, çox acınacaqlı vəziyyətdir. Uşaqlar hər gün bir xanım müəllimi görür. İnsandır, ola bilər ki, üz-gözünə çəki-düzən versin. Bunu hər gün oğlan uşaqları görmək məcburiyyətində deyillər axı. Bununla bağlı direktorumuz müraciət edib. İstərdim ki, bu məsələ ilə bağlı elm və təhsil naziri Emin Əmrullayev də fikirlərini söyləsin. Mən bu vətənin övladıyam, istəklərimizin nəzərə alınmasını arzulayırıq".
