Nəsimi rayonu ərazisində yerləşən küçələrdən birinin vəziyyəti acınacaqlı durumdadır. Bu haqda 3 oktyabr tarixində Bakuplus.az Xəzər Xəbər-ə istinadən xəbər verir.
Bakı-2 adlandırılan küçədə bir tərəfdən kanalizasiya problemi, digər tərəfdən isə səhlənkarlıq nəticəsində yaranan xarabalıqlar sakinlərin kabusuna çevrilib. Sakinlər bildirirlər ki, bu küçə yay-qış kanalizasiya sularının altında qalır. Onlar dəfələrlə aiddiyyəti qurumlara müraciət etsələr də, problem birdəfəlik həll olunmur.
Sakinlər deyirlər ki, tikinti qalıqları zərərli heyvanların yuvasına çevrilib.
Bəzi evlər plana düşsə də sökülməyib, bəziləri isə sökülüb, amma yeri xarabalığa çevrilib. Bundan əlavə, xarabalıqlar narkotik istifadəçilərinin sığınacağına çevrilib. Gecələr tüfeyli həyat yaşayan bəzi insanlar burada toplaşıb narkotik istifadə edirlər.
Kanalizasiya problemi ilə bağlı “Azərsu” ASC bildirir ki, ərazidə xeyli sayda yaşayış evləri olduğu üçün, kanalizasiya xətlərinin təmir olunması və yaxud dəyişdirilməsi mümkün deyil.
