Tanınmış azərbaycanlı bloqer Afət Quluzadə yaşadığı binada liftin işləməməsinə görə gileylənib.
Bakuplus.az xəbər verir ki, bloqerin sözlərinə görə, lift idarəsi onu sadəcə 1-2 günlük təmir etdirə bilir.
“Bu həll yolu deyil. Gərək bədbəxt hadisə olsun ki, bu məsələ aradan qalxsın? Mən bütün qonşulara təklif etmişəm ki, gəlin bu lifti düzəldək. 1-2 qonşudan başqa heç kim buna maraqlı deyil və heç dəyişməyə də icazə vermirlər. Orada keçirilən qorxu, həyəcan ömürlük stresdir.
Gərək tamamən qırılıb düşsün, kimsə ölsün ki, gəlib bu lifti dəyişsinlər?”, - deyə bloqer bildirib.
Həmçinin bloqer qeyd edib ki, dünən övladı dayəsi ilə birlikdə 45 dəqiqə liftdə qalıb.
