Bakının Qaradağ rayonu ərazisində, müxtəlif ünvanlarda təmir-bərpa işləri aparılır. Bu haqda bu gün, 12 avqust tarixində Rayon İcra Hakimiyyətinin mətbuat xidməti məlumat verib.
Rayonda yollar təmir olunur, binaların dam örtüyü dəyişdirilir, fasadları müasir üslubda üzlənir, giriş qapıları təmir edilir, mərkəzi küçələr əsaslı şəkildə yenidən qurulur. Bakı-Ələt-Astara yolunun kənarlarında yaşıllıq zolaqları salınıb.
Lökbatan qəsəbəsi, Nizami küçəsində 3 mərtəbəli yaşayış binasında bərpa işləri aparılıb, ətrafda olan qanunsuz tikililər və bağlar sökülüb.
Qızıldaş qəsəbəsində Şəhidlər xiyabanına gedən yola asfalt örtüyü çəkilib, birinci Qarabağ müharibəsi şəhidlərinin məzarı ətrafında isə təmir işləri hal-hazırda davam etdirilir.
[URIS id=58278]
