Səbail rayonunda Vətən müharibəsi şəhidi İlkin Əhədzadənin adı yaşadığı küçəyə verilib. Bu haqda 3 oktyabr tarixində Bakuplus.az Səbail RİH-yə istinadən xəbər verir.
44 günlük Vətən müharibəsi şəhidi Əhədzadə İlkin Qələmşah oğlunun adının Badamdar qəsəbəsində küçələrdən birinə verilməsi və qeyd olunan küçədə şəhidin xatirə lövhəsinin açılışı münasibətilə tədbir keçirilib. Tədbirdə Səbail Rayon İcra Hakimiyyətinin başçısı Vüqar Zeynalov, RİH-nin məsul əməkdaşları, şəhidlərin ailə üzvləri, döyüş yoldaşları və rayon ictimaiyyətinin nümayəndələri iştirak ediblər.
Müharibənin ilk günlərindən döyüşə qatılan Əhədzadə Kəlbəcər rayonu istiqamətində gedən döyüşlərdə oktyabrın 1-də şəhid olmuşdur. O, ölümündən sonra 3-cü dərəcəli "Rəşadət” ordeni, “Vətən uğrunda”, “Cəsur döyüşçü” və “Kəlbəcərin azad olunmasına görə” medalları ilə təltif olunmuşdur.
Vətən müharibəsi zamanı 35 yaşında döyüşlərə qatılan şəhid ailəli və 3 övlad atası idi.
[caption id="attachment_72828" align="alignnone" width="640"]
Foto Səbail Rayon İcra Hakimiyyətinin rəsmi saytı[/caption]
