Səbail rayonunda 277 ədəd konteyner meydançası yaradılıb. Bu haqda 17 avqust tarixində APA məlumat verib.
Artıq 4 ildən çoxdur ki, Bakı Şəhər İcra Hakimiyyəti Böyük Britaniyanın “Mott MacDonald” şirkəti ilə birgə bərk məişət tullantılarının yığılması, daşınması və çeşidlənməsi ilə bağlı layihə həyata keçirir. Pilot layihə kimi Nərimanov rayonunda başlanan proses keçən ildən mərhələli şəkildə daha 3 rayonu – Nizami, Nəsimi və Yasamal rayonlarını da əhatə etmişdir.
Bu il daha 2 rayonda bu layihənin tətbiqinə başlanacaq. Artıq Səbail rayonunda hazırlıq işlərinə start verilib. İlk növbədə rayon ərazisində 277 ədəd konteyner meydançası yaradılıb və bu meydançalara yaşıl, narıncı rənglərdə yeni, müasir konteynerlər quraşdırılacaq.
